نشر مواطن يدعى أحمد الصالحي شهادة مفزعة عن اعتداء جنسي حصل في الميترو. وجاءت شهادة الصالحي كالآتي: “أنا ليوم مصدوم، كنت واقف مبكري في الباساج نستنى في المترو كالشعب الكل والناس خايضة كيفاش المتروات عاملة روتار بساعة ونص وإلخ.. لين جاء مترو ال2 متاع اريانة مليان شي غريب هبطوا منو الناس أفواجا أفواجا جبدت انتباهي طفلة طول تنطرت مالباب وتزرب في خطوتها تحسها بيها حاجة بقيت مركز معاها لين تعدات من قدامي وما نشوف كان في حاجة بيضة في لباسها، مشى فيبالي كول ولا تنخيمة لصقت فيها عيطلها قلتلها سروالك راهو مسخ من التالي وما تشوف كان وجها مع الكلمة هذيكة صفار وخضار وطرشقت بالبكاء بالوقت ثبت نلقاه “سائل منوي”.. بقات تبكي بالشهقة وتمسح و تلمدو بها الناس مبهمين في الحالة اللي يمد في شربة ماء واللي تواسي وهزها كنترولور غادي معاه للمركز متاع الستاسيون ..
